కమాన్‌పూర్, 4 October
మూడు నెలలుగా పనిచేయని డీటీఆర్ తో నిరంతరాయ విద్యుత్ సరఫరాకు ఆటంకం
పెంచికల్ పేట్ గ్రామంలోని 6, 7, మరియు 8వ వార్డులలో గత మూడు నెలలుగా 25 కేవీ సింగిల్ ఫేజ్ డీటీఆర్ సరిగా పనిచేయకపోవడంతో స్థానిక ప్రజలు తీవ్ర విద్యుత్ ఇబ్బందులు ఎదుర్కొంటున్నారు. డీటీఆర్ సక్రమంగా పనిచేయకపోవడంతో విద్యుత్ సరఫరాలో అంతరాయాలు ఏర్పడుతూ, ముఖ్యంగా రాత్రి వేళల్లో ప్రజలు అనేక ఇబ్బందులు పడుతున్నారు. విద్యుత్పై ఆధారపడే గృహ అవసరాలు, చిన్న వ్యాపారాలు మరియు ఇతర పనులకు తీవ్ర ఆటంకం కలుగుతోంది.
అధికారులకు ఎన్నిసార్లు తెలిపినప్పటికీ స్పందన కరువైందని, ఇకనైనా అధికారులు స్పందించి తక్షణమే సమస్యను పరిష్కరించాలని స్థానికులు కోరుతున్నారు. ఈ సమస్యను సంబంధిత విద్యుత్ శాఖ అధికారులు వెంటనే పరిశీలించి, 25 కేవీ డీటీఆర్ను మరమ్మతు చేయాలని లేదా అవసరమైతే కొత్త డీటీఆర్ను ఏర్పాటు చేసి విద్యుత్ సరఫరాను సక్రమంగా పునరుద్ధరించాలని 6, 7, మరియు 8వ వార్డు ప్రజలు విజ్ఞప్తి చేస్తున్నారు. ప్రజల ఇబ్బందులను దృష్టిలో ఉంచుకొని అధికారులు స్పందించి సమస్యను త్వరితగతిన పరిష్కరించాలని స్థానికులు విజ్ఞప్తి చేస్తున్నారు.
