అమెరికా అధ్యక్షుడు డొనాల్డ్ ట్రంప్ ఇరాన్పై మరోసారి తీవ్ర వ్యాఖ్యలు చేశారు. ఇరాన్పై తదుపరి సైనిక చర్య విషయంలో ఇంకా నిర్ణయం తీసుకోలేదని, అవసరమైతే మరిన్ని దాడులు చేయడానికి అమెరికా సైన్యం సిద్ధంగా ఉందని ఆయన వెల్లడించారు.
అమెరికా అధ్యక్షుడు డొనాల్డ్ ట్రంప్ ఇరాన్పై మరోసారి తీవ్ర వ్యాఖ్యలు చేశారు. ఇరాన్పై తదుపరి సైనిక చర్య విషయంలో ఇంకా నిర్ణయం తీసుకోలేదని, అవసరమైతే మరిన్ని దాడులు చేయడానికి అమెరికా సైన్యం సిద్ధంగా ఉందని ఆయన వెల్లడించారు. ఇరాన్లో మిగిలిన ప్రాంతాలను కూడా ధ్వంసం చేయడం తనకు ఇష్టం లేదని, అయితే పరిస్థితులను బట్టి అలా చేయాల్సి రావచ్చని ఆయన హెచ్చరించారు. ఇరాన్ తిరిగి తన అణు కార్యక్రమాన్ని అభివృద్ధి చేయకుండా శాశ్వతంగా నిరోధించడంపై నిర్ణయం తీసుకోవాల్సి ఉందని ట్రంప్ అన్నారు. మరోవైపు ఇరాన్తో చర్చలు కొనసాగుతున్నాయని, ఖతార్ మధ్యవర్తిత్వంతో ఇరు దేశాల మధ్య దౌత్య ప్రయత్నాలు జరుగుతున్నాయని తెలిపారు. ఇరాన్ అణ్వాయుధాలను కలిగి ఉండటాన్ని అమెరికా అంగీకరించబోదని ట్రంప్ స్పష్టం చేశారు.
